Friday, April 22, 2011

ಲೆಕ್ಕ ಕಲಿಯುತಿದೆ ವಯಸ್ಸು...


ಹೀಗೆ ಭುಜ ಕುಣಿಸಿ ಜಾರ ಬೇಕಿಲ್ಲ ಸೆರಗು,
ತೋಳ ತುದಿವರೆಗೂ ನಿಲುಕ ಬೇಕಿಲ್ಲ ರವಕೆ,
ಬೆರಳ ತುದಿಯ ಬೊಟ್ಟು ಹಣೆ ತನಕ ನಿಲುಕಿದ್ದು
ಈ ಹೆಣ್ತನವೆಂಬ ಹಂಬಲ,
ಮಂದಲೆಯ ಕುಂಕುಮ,ಮುಡಿಯೇರಿದ ಮಲ್ಲಿಗೆ
ಅದೊಂದೇ ಅಭ್ಯಾಸ ಬಲ,
ಕಣ್ಣಂಚು ಸರಿಸಬೇಕಲ್ಲ ಆ ಕಡು ಕಪ್ಪು ಕಾಡಿಗೆ,
ಕೆಂಪು ತುಟಿಯೊಂದೆ ಗುನುಗಿದ್ದು
ತನ್ನ ಹಾಡಿಗೆ ತನ್ನ ಪಾಡಿಗೆ,
ಅಮ್ಮ ಕೊಟ್ಟ ಸೀರೆ ಪಡಿಯಚ್ಚು,
ನಾನು ಅಮ್ಮನಂತೆ....
ನೆರಿಗೆ ನೂರು, ಬೆರಳ ನಡುವೆ ಮಡಚಿ
ಸಿಕ್ಕಿಸಿ ಹೊಕ್ಕಳ ತುದಿಗೆ ಕೊಂಚ ಜಾರಿಸಿ,
ಹೆರಳ ತುದಿಗೆ ಗಂಟು ಬಿಗಿದಾಗ,
ಹರಯ ಈಗಷ್ಟೇ ಕೈ ಕಟ್ಟಿ ಕೂರುತಿದೆ,
ಕೆನ್ನೆಯಲ್ಲರಳಿದ ಕೆಂಪ ಲೆಕ್ಕ ಕಲಿಯುತಿದೆ...

2 comments:

ಶಶೀ ಬೆಳ್ಳಾಯರು said...

vinAY S, kavanada saalugalu, bhava thumbane istavaythu....vandanegalu

Vinay.S said...

Shashi, ನಿಮ್ಮ ಪ್ರತಿಕ್ರಿಯೆಗೆ ಧನ್ಯವಾದ.

-Vinay

Search This Blog