ನೆನಪುಗಳ ಅಲೆಯಲ್ಲಿಮರಳಿ ಬಾರದಿರು
ಮಣ್ಣುಗೂಡಿದ ಒಲವೆ,
ಬೆಂಕಿಗೂಡಿಗೆ ನೂಕದಿರು ಮತ್ತೆ,
ಮನದಗೂಡಿನ ಒಳಗೆ
ಮುರಿದ ತರಗೆಲೆಯ ನನ್ನೆದೆಗೆ,
ಪ್ರೇಮತಂಗಾಳಿ ತಾಕದಿರು ಮತ್ತೆ!
ಕಣ್ಣ ರೆಪ್ಪೆಯ ಒಳಗೆ
ಬಚ್ಚಿಟ್ಟ ಭಗ್ನ ಕನಸುಗಳು,
ಕರಗಿ ಕೆನ್ನೆಯಲಿ ಜಾರುತಿಹುದು,
ಸುಪ್ತ ಬಯಕೆಗಳು
ಅವಿಶ್ರಾಂತ ಕೊಠಡಿಯಲಿ,
ಹಾಡದೆ, ಬಾಡದೆ, ಕಾಡುತಿಹುದು!
ಮರಳಿ ಬಾರದಿರು
ಮಣ್ಣುಗೂಡಿದ ಒಲವೆ
ನೆನಪುಗಳ ಅಲೆಯಲ್ಲಿ ಮತ್ತೆ,
ಒಡಲಾಗ್ನಿಯ ಭುಗಿಲೊಳಗೆ
ತೆರಳಿಹೋಗುವೆ ನಾನು,
ಜ್ವಲಿಸಿಹೋಗಲೇನು ಮತ್ತೆ-ಮತ್ತೆ...?!
