ಮನಸಿನೊಳಗೆ ಸುರಿದ ನಿನ್ನ ಮೌನ...ಮೌನಕೆ ಮಾತಿಲ್ಲ-ಕಥೆಯಿಲ್ಲ,
ಹಾಡು-ಹಸೆಯ ಹಂಗಿಲ್ಲ,
ನಿನ್ನ ನೆನಪು ಎದೆಯ ಗಾಳಕ್ಕೆ ಸಿಲುಕಿ
ಕಲಕಿದಂತೆ ಅಂತರಾಳದ ಕಡಲು,
ಹಾಡೆಲ್ಲ ಮೂಕವಾಗಿ,
ಹಾಡೊಳಗೆ ಶೋಕದ ಸಾಲು....!
ನನ್ನೊಳಗೆ ಉಳಿದುಹೋದ ನಿನ್ನ ನೆನಪು...
ನೆನಪಿಗೆ ಒನಪಿಲ್ಲ-ಒಯ್ಯಾರವಿಲ್ಲ!
ದುಃಖ-ದುಮ್ಮಾನದ ಅರಿವಿಲ್ಲ,
ನಿನ್ನ ಹೆಸರು ಕೂಗಿ ಕರೆಯುವಂತೆ
ಮೌನ ಶಿಖರದೊಳಗೆ,
ಏನು ಹೆಸರು ನಿನ್ನ
ಕೇಳಿಯೂ ಕೇಳದ ಪರಿಗೆ?
ಮನಸು ದುಃಖದ ಸುಳಿಗೆ...!
ನೀನು ಬರೆಯಲಾಗದ ಕವಿತೆ,
ಉರಿಯದ ಒಲವಿನ ಹಣತೆ,
ನನ್ನೊಳಗೆ ಸುಮ್ಮನೆ ಪರಿತಪನೆ!
ದೂರದ ಊರಿಗೆ ಏಕಾಂತ ನಡಿಗೆ
ಚೆಲ್ಲಿದೆ ನನ್ನೊಳಗೆ
ನಿನ್ನ ನೆನಪಿನ ನೆರಳು....!
